Сите го обожаваат новиот Шон Мендес!

Голема е веројатноста дека и вие, како и многумина ширум светот, беа воодушевени од новиот албум на миленикот на младите, Шон Мендес, со кој се чини доби и повеќе обожаватели од претходно.

Она што е искучително впечатливо овојпат, е променетиот стил на младиот пејач за кој е заслужна неговата стилистка Тифани Брисено со која тој соработува долги години.

Сосема совршено, талентираната стилистка за „Wonder“ целосно го промени изгледот на згодниот пејач, инспирирана од ерата на 30 – тите која неодоливо му одговара на младиот музичар.

Девојките како да „полудеа“ по неговата долга коса која го направи дополнително посакуван, но и по навидум едноставните комбинации составени од елегантни костими, лежерни бели маици, раскопчани кошули, свечени панталони комбинирани со кожени чизми како негов заштитен знак и што уште не.

Токму во вакво неодоливо издание можевме да го видиме на насловната и во едиторијалот за британски GQ, а за него пишуваше и Вог во чиј текст беше прогласен за стилска модна икона „во изработка“.

Ова беше само потврда за нивната одлична работа последниов период, која докажува дека понекогаш е и повеќе од потребно да експериментираме за дополнително да се откриеме себеси.

На што друго нè научи нивната и повеќе од одлична соработка?

Следнава година момците ќе бидат „обземени“ од ретро вибрациите, па така воопшто не двоумете се и искористете ги сезонските намалувања, но и шармот на новите колекции да се себеоткриете во тесни, шик црни фармерки, црна, наместо сина тексас јакна, маичка на куси во интензивна сина наместо класична бела, но и нови модели на капи за совршено долго лето.

Како што неговата стилистка ќе каже, а ние не можеме да бидеме посогласни, винтиџ парчињата се речиси секогаш стожерот на можеби најголемите и највпечатливите парчиња и комбинации на сите времиња. Токму тоа е она од што секогаш треба да се водиме ако сме насочени кон постигнување на еден безвременски, класичен изглед составен од парчиња што се направени да траат.

Без разлика што и да одберете, никогаш не заборавајте да ја ставите удобноста на прво место и добро да се чувствувате во она што го носите, бидејќи тоа е единствениот начин да изградите сопствен стил што ќе се памети!