Најпосакуваните додатоци за оваа пролет се со потпис на Parfois

Се чини дека конечно се збогувавме со студеното време и сите оние парчиња што нè топлеа во изминатите месеци, па сега е совршено време да ги извадиме од плакарот сите оние комбинации кои едвај чекавме да ги облечеме.

Веројатно знаете дека ниту еден стајлинг не е комплетен без модни додатоци, а понекогаш, тие и ја завршуваат целата работа.

Во топлите денови, сакаме да носиме накит кој со себе носи поинаква, целосно шармантна приказна и кој дефинитивно „зборува гласно“, како што и треба да биде.

Оваа сезона, најстилските модни додатоци за разубавување на секоја комбинација се со потпис на Parfois од каде доаѓаат и најубавите кампањи кои повикуваат на долго и топло лето во друштво на нивните парчиња.

Без разлика дали сте вљубеничка во накит, чанти или пак некое уникатно парче облека, брендот има сè што ни треба за топлата сезона што е пред нас, а на која толку многу и се радуваме.

Како што ќе кажат оттаму, ова лето, целата убавина е во мечтаењето за одмор на дестинациите за кои толку сонувавме, а можеби е време сето ова да заврши и сите планови конечно да се остварат.

Ако вие веќе ги имате направено вашите, единствено што ви треба е добар костим за капење и безброј парчиња накит за совршено бегство од реалноста.

Секако, брендот повторно создаде исклучително добри парчиња за разубавување на секојдневните комбинации, па така, оваа сезона постои само едно место каде ќе ја најдете чантата од вашите соништа, ланчето и обетките со кои ќе ги надополните сите стајлинзи, како и ултра кул шапките за шик заштита од сончевите зраци.

Со оглед на тоа во каква реалност го поминавме изминатиот период, сега е вистинско време да ги „разбудиме“ сите наши тренди стајлинзи и да се збогуваме со здодевните парчиња. Оваа топла сезона, одбираме многу колорит, но секако и не ги забораваме вистинските класици кога е во прашање накитот.

Пролетва, го носиме она што ни се допаѓа од прва и воопшто не се двоумиме. Експериментирајте и купете ја чантата во боја која толку многу ви се допадна, но и оние обетки со пердув за кои се запрашавте каде ќе ги носите. Сега, веќе сè е дозволено, а најуникатните модни додатоци сезонава се во продавниците на Parfois и онлајн на Fashion Group.