Совршени комбинации за јули кои се љубов на прв поглед!

Во потрага по стилските летни модели во кои ќе уживаме секој еден топол ден од јули, денеска ви го олеснуваме пребарувањето и ве запознаваме со некои од најубавите парчиња за оваа сезона.

На прагот од јули, целосно препуштете им се на пастелните нијанси и комбинирајте ги боите што никогаш не можевте да ги замислите, а доколку работните обврски ви го дозволуваат тоа, не двоумете се и заминете на работа во омилените отворени сандали.

Веќе знаете кои се совршените летни парчиња во кои уживањето на високите температури е максимално, но овојпат ви ги прикажуваме истите во уште подобрена верзија.

Покрај фустанот како ултимативен летен класик, овој шопинг посветете им се и на кошулите со ретро призвук во неодоливи комбинации на бои, но и на широките фармерки кои се одличен избор за вечерните прошетки.

Иако многумина ги сакаат, високите температури со себе носат сериозни предизвици, меѓу кои и тоа како да изгледате стилски на работа, а притоа да уживате во топлите денови.

Трендовите за ова лето се полежерни од кога и да е што придонесува за максимална удобност во секое парче што ќе го одберете, а токму такви се и нашите денешни предлози кои се дел од ултра стилската колекцијата едноставно наречена „Everyday Look“.

Бидете стилска дама во секој ден од јули и со овие парчиња, направете безброј комбинации како резултат на вашата исклучителна имагинација.

Во ниту еден момент не заборавајте ниту на модните додатоци како најважен момент при правењето стилски летни комбинации, како и на парчињата како шапки и очила за сонце како супер важни за заштита од сонцето во летниот период.

Која комбинација е вашата омилена?